ஊடகங்களின் அலட்சியம்

உலக அதிசயங்களைத் தேர்ந்தெடுக்கப் புறப்பட்ட ஒரு வெளிநாட்டுக் கம்பெனி பல கோடிகளை பொதுமக்களிடமிருந்து சுருட்டியிருக்கிறது. அப்பாவி மக்களின் உணர்வுகளைத் தூண்டிவிட்டு பணம் செலவு செய்து ஓட்டளிக்கத்தூண்டியதில் ஊடகங்களின் பங்கே முதன்மையானது. ஆனால் இப்போது ஓட்டளித்த பொதுமககளை முட்டாள்கள் என்று ஊடகங்கள் கூறிவருகின்றன. (உம். இந்த வார ஆனந்த விகடன்) முடிவுகள் வெளிவரும் வரை கமுக்கமாக இருந்துவிட்டு இப்போது மக்களை குறைகூறுவது சரியல்ல. சரியான தகவல்களை சரியான நேரத்தில் வெளியிடுவதே ஊடகங்களின் கடமையாகும். முன்கூட்டியே அந்த கம்பெனி பற்றிய விவரங்களை வெளியிடாத்தற்கு ஊடகங்கள் பொறுப்பேற்க வேண்டும்.

ஒரு கவிதை

இலைகள் ஓய்வெடுக்க நினைத்தாலும்
காற்று விடுவதில்லை
மலர்கள் பூத்திருக்க நினைத்தாலும்
பருவம் விடுவதில்லை
மேகம் சேர்ந்திருக்க நினைத்தாலும்
மின்னல் விடுவதில்லை
இமைகள் விழிமூட நினைத்தாலும்
உன் நினைவுகள் விடுவதில்லை.

கேள்விக்குறியாகிவரும் இந்திய ஒருமைப்பாடு

கேள்விக்குறியாகிவரும் இந்திய ஒருமைப்பாடு

மிகப்பெரிய பாராளுமன்ற ஜனநாயக நாடு என்று சொல்லிக்கொள்கிறோம். ஆனால் நம் பாராளுமன்றத்தில் தினமும் நடக்கும் கூத்துக்களை பார்த்தால் வெட்கப்பட வேண்டியிருக்கிறது. லட்சக்கனக்கான மக்கள் கூடித் தேர்ந்தெடுத்த உறுப்பினர்கள் அவையில் நடந்துகொள்ளும் முறைகளைப் பார்த்தால் மனம் வேதனைப்படுகிறது.

கோஷ்டி மோதல், கட்சி மோதல், இவைகள் எல்லாவற்றையும் விட கவலை கொள்ள வைக்கும் பிராந்திய மோதல் இந்திய ஒருமைப்பாட்டயே கேள்விக்குறியாக்குகிறது.

கிரிக்கெட்

எங்கே பார்த்தாலும் கிரிக்கெட் மேனியா பிடிச்சு ஆட்டுது. சேவாக் பயல் பார்முக்கு வந்துட்டானா, கங்குலிக்கு கேப்டன்ஷிப் குடுக்கலாமா, டோனியத் தூககலாமன்னு ஒரே களேபரம்தான். சிறுசிலிருந்து பெறுசு வரை எல்லாம் டிவி பெட்டியே கதின்னு கெடக்குறாங்க. அவங்க பீல்டுல ஆடுரத விட இடையில போடர விளம்பரத்துலதான் நல்லா துடிப்பா நடிக்குறாங்க. அவங்க ஒரு four அடிச்சா ஒரு காசு, six அடிச்சா ஒரு காசு, செஞ்சுரி அடிச்சா வீடே தர்ராங்கலாம். ஒவ்வொரு வீரரும் ஏதாவது பன்னாட்டு கம்பெனியோட “ப்ரண்ட் அம்பாசடரா” இருக்கறாங்க அவங்களுக்கு தோத்தாலும் ஜெயிச்சாலும் காசுதான்.

இப்போ இந்தியா சூபர் 8 க்கு போகுமா போகாதாங்கரதுல ரசிகர்கள விட விளம்பரதாரர்களே அதிகம் கவலையோட இருக்காங்க. ஏன்னா இந்தியா லீக் ஆட்டத்தோட வெளியேரினா அவங்க விளம்பரத்த பாக்குரவங்க எண்ணிக்கை இங்கே கம்மியாயிடுமே. மீடியாககள் கிரிக்கெட்டை போற்றி வளர்ககக் காரணமே விளம்பரம் போடுறதுக்கான நேரம் அதில் அதிகம்கறதுதானே.

இந்த களேபரத்தில் நம்ம பசங்களோட பரிச்சையையும் கொஞ்சம் நெனச்சுப்பாருங்க. பத்தாவது பன்னிரண்டாவது இந்த சீசன்லதான் நடக்குது.

மாயக்கண்ணாடி

அனைவருக்கும் வணக்கம்.

முதலில் மாயக்கண்ணாடி - பெயர் விளக்கம்

"நாம் கண்ணாடியில் நம் பிம்பத்தை காண்பதில்லை. நம்மைப் பற்றிய கற்பிதங்களைத்தான் காண்கிறேம்". பெரிய பெரிய மகான்கள்லாம் சொல்லியிருக்காங்க.
நாம வாழ்க்கைங்கற மாயக்கண்ணாடியில நம்மள கொஞ்சம் உத்துப் பார்ப்போம்.